„Македонија Блокира“ го пикира домот на Крсто Мукоски
Објавено во: Македонија 07 Ноември, 2018
Новоформираното движење „Македонија Блокира“ која прерасна од „Македонија Бојкотира“ за денеска го пикира домот на „одметнатиот“ пратеник Крсто Мукоски. Изминатиот викенд ова движење го формираа 80-тина организации, партии и здруженија и, меќу другото, како дел од тактиката да се спречат уставните измени и Преспанскиот договор беше договорено протестирање пред домовите на пратениците.
Од партијата „Единствена Македонија“ најавуваат дека вечерва во 19.00 часот ќе одржат протест пред домот на Муковски во Вевчани.
„Кризниот штаб против промена на Уставот, распуштање на Собранието и распишување на избори „Македонија-Блокира“, денес, среда, 7 ноември 2018 ќе одржи собир пред домот на пратеникот Крсто Муковски во Вевчани во 19:00 ч“, соопштија од таму.
Мукоски е дел од независната пратеничка група која се одметна од ВМРО-ДПМНЕ и беше исклучена од партијата откако гласаше за отворање на уставните измени на 19 октомври со што беше обезбедено минимално двотретинско мнозинство од 80 пратеници.
Од „Македонија Бојкотира“, покрај протести пред пратеничките домови, најави собири пред Собранието на Република Македонија, блокада на патишта и гранични премини и други форми на отпор.