МАКЕДОНИЈА ДЕНЕСКА: Сончево утро, попладне и вечер дожд
Објавено во: Мои пари 22 Март, 2015
Иако неделното утро ќе биде сончево, тоа време нема да се задржи долго во текот на денот. Доцна претпладне облачноста ќе почне значително да се зголемува со прогресија од запад кон исток. Попладне пак, се очекуваат нови врнежи од дожд кои ќе бидат позачестени во западниот крај. Навечер врнежите ќе се прошират и во источниот регион, но ќе бидат слаби и релативно креткотрајни, информира „Метеопро“.
Во текот на денот температурата ќе има највисока вредност, околу 16°С, во југоисточниот крај. Котлините во западниот регион очекуваат максимална околу 12°С, додека во источниот регион таа ќе има вредност до 14°С. Посвежо ќе биде на повисоките места во западниот крај, со максимална до 6°С, а а повисоките места на истокот очекуваат максимална околу 10°С.
Во скопската котлина утрото ќе биде претежно сончево, додека околу пладне се очекува постепено наоблачување кое ќе резултира со дожд приквечер. Максималната температура ќе има вредност околу 13°С.