Македонија, Србија, БиХ: Поефтин роаминг
Објавено во: Економија 29 Јуни, 2015
Македонија, Србија, и Босна и Херцеговина се договорија за ниските цени на роаминг за мобилната телефонија, почнувајќи од вторник 30 јуни.
Приклучувањето на Црна Гора кон ова намалување на цените се очекува веднаш штом нејзините регулатори го одобрат барањето.
Како што е речено денес од Регулаторната агенција за комуникација на БиХ, договорот за намалување на цените на услугите на роаминг во јавни мобилни комуникациски мрежи, е склопен помеѓу министерства надлежни за областа на електронските комуникации на Босна и Херцеговина, Црна Гора, Македонија и Србија, стапил на сила денот на потпишување, односно на 29 септември 2014 година.
Стандарди на ЕУ
Со оваа спогодба земјите потписнички се определиле максималните цени на услугите на роамингот да треба да ги намалат до ниво на цените кои важат во Европската унија, односно цената на утврдените Одредби за роаминг во јавни мобилни комуникациски мрежи внатре во Европската унија.
Во првата фаза, во земијте потписнички на Спогодбата е предвидена примена на следните горни гранични цени (цените се однесуваат на сообраќајот реализиран внатре во четирите земји потписнички на Спогодбата), појдовни повици 0,29 евра/минута, СМС 0,09 евра/порака, пренос на податоци/ ММС 0,70 евра/МБ.
Евентуалните процедури или проблеми операторите се должни да ги договорат со останатите телеком оператори во земјите потписнички.
Советот на Управниот суд во Подгорица неодамна ја укина одлуката за намалување на цената на роаминг во Црна Гора.
Управниот суд на Црна Гора заклучи дека примената на таа одлука е неприфатлива за таа земја, по основа на тужбата на телекомуникациските компании Телеком и Теленор.
Меѓутоа, во моментов во земјите потписнички се на сила одлуките на нивните регулаторни тела за намалување на цените на роаминг, па граѓаните на Црна Гора ќе ги имаат тие поволности кога отпатуваат, но не и граѓаните во регионот кои ќе заминуваат во Црна Гора.