Македонските амбасади се празни кога се најпотребни

Добивај вести на Viber

Клучните македонски дипломатски претставништва се празни и немаат функционални амбасадори во најзначајниот период за лобирање на надворешната политика на земјата кога претстои. Со широка поддршка за почеток на преговори за членство од другите влади од ЕУ членките и Европската комисија, Албанија и Македонија се надеваат дека европските министри ќе се согласат на состанокоt во Луксембург, со што ќе се расчисти патот за одобрување од лидерите на ЕУ владите на самитот во четврток.

Во моментов во САД се празни и амбасадата во Вашингтон и мисијата во ОН, а празна е и амбасадата во Брисел, додека по неколку месеци без амбасадор само што се пополни амбасадорската фотелја во мисијата во ЕУ. Париз. Македонија во моментов нема ни амбасадор во Хаг, од каде што се врати Игор Поповски, а нов не е именуван.

Во моментов имено, според податоците од Министерството за надворешни работи, од вкупно 50 амбасади и мисии во светот дури во 30 нема амбасадор да ја врши функцијата, што е невидена дипломатска хаварија дури и за Македонија. Празни се амбасадите во Белград, Берн, Брисел, Букурешт, Варшава, Доха, Загреб, Каиро, Канбера, Копенхаген, Лондон, Љубљана, Мадрид, Њу Делхи, Осло, Пекинг, Подгорица, Прага, Рим, Сараево, Стокхолм, Талион, Тел Авив, Тирана, Хаг, Вашингтон, како и мисиите во ОН, во ОБСЕ и во Об3единетите нации во Женева. Во некои од нив нема ниту вршител на должност, како во Италија.

Вршител на должност нема ни во Холандија и Шведска, две влијателни земји членки на Унијата.