22 Октомври, 2019
0.0193

МАКЕДОНСКИТЕ УЧИЛИШТА СЕ ПРАЗНАТ: Децата се отпишуваат и со родителите заминуваат во странство

Објавено во: Македонија 26 Март, 2019

Бројни се македонските училишта од каде децата се испишуваат, и заминуваат во странство заедно со родителите.

Дел од учениците веќе заминале, а некои допрва најавуваат дека ќе го прекинат школувањето во Македонија. Во селото Скудриње во Западна Македонија, основното училиште „Блаже Конески“ во 1996 година имало 580 ученици, а денес има 162 ученика. Директорот Зурат Куртоски, кој 40 години работи во образование ги наведува овие бројки како пример за тоа колкав е одливот.

„Оваа година заминаа 5 ученици, од октомври наваму, а за следната година уште 5 ученици ќе си одат, тоа родителите ми го најавија. Колку има ненајавени што ќе заминат, не знам, навистина тоа е штета. Ние тој бран не можеме да го спречиме. 90% од нив одат во Германија или Италија. Скудриње има индустриски погони, егзистенцијата не е загрозена, но луѓето бараат подобар живот“, вели тој.

Од основното училиште „Благој Кирков“ од Велес велат дека секоја година по неколку ученици го прекинуваат образованието од истите причини.

„Децата со родителите одат за Германија, но се надевам дека тој одлив ќе се намали“, велат оттаму.

Во селото Моноспитово, Струмичко каде функционира основното училиште „Борис Трајковски“ објаснуваат дека сега имаат стагнација со одливот на деца.

„Веќе две години таа појава стагнира, а претходно заминуваа по 5-6 ученици годишно. Децата се отселуваа во Швајцарија и Германија“, рече Соња Вучковска, директорка на „Борис Трајковски“.

Aлармантно е во малото гратче Пехчево, во Источна Македонија.

„Оваа година ни се испишаа 2 деца, а во јуни откако ќе заврши учебната година ќе се иселат уште 4 деца. Тие ќе одат во Германија.  Кај нас е ова алармантно, затоа што ние изгубивме многу деца. Од 521, сега имаме 306 деца“, вели Добрила Јовевска, директорка на основното училиште „Ванчо Китанов“.

Во „Браќа Миладиновци“ во Пробиштип скоро се испишале 5 деца, од две семејства, односно едно семејство со три, и друго со две деца заминале надвор од државата. 

Претходно медиумите пишуваа и дека сериозен одлив има и во кумановското училиште „Бајрам Шабани“. Таму за пет години во клупите има осумдесет и еден ученик помалку. Само оваа учебна година надвор од земјава ќе заминат 15 ученици, а некои веќе се иселиле.

Од училиштата признаваат дека фактор број еден е економската ситуација, но родителите се селат затоа што сакаат нивните деца да живеат во средина каде има севкупно поквалитетен живот.

Сања Атанасовска

Можеби ќе ве интересира

АНАЛИЗА НА ФАЈНЕНШЛ ТАЈМС: Ако се промени власта следат „црни“ денови во Македонија

АНАЛИЗА НА ФАЈНЕНШЛ ТАЈМС: Ако се промени власта следат „црни“ денови во Македонија

Сенатот на САД го ратификува членството на Македонија во НАТО

Сенатот на САД го ратификува членството на Македонија во НАТО

„Аџибадем Систина“ ја јакне свеста за ракот на дојка: Нова работилница во „Тинекс“

„Аџибадем Систина“ ја јакне свеста за ракот на дојка: Нова работилница во „Тинекс“

Косовскиот министер за внатрешни работи: Обвинетите од „Монструм“ ќе бидат екстрадирани

Косовскиот министер за внатрешни работи: Обвинетите од „Монструм“ ќе бидат екстрадирани

Љупчо Николовски нема да биде технички премиер, Милошоски нема коментар за МВР

Љупчо Николовски нема да биде технички премиер, Милошоски нема коментар за МВР

Јовески: Во моментов се уште нема докази за бегството на Груевски

Јовески: Во моментов се уште нема докази за бегството на Груевски

Бибер: Македонија нема да и се придружи на ЕУ во следните 10 години

Бибер: Македонија нема да и се придружи на ЕУ во следните 10 години

Ѓоко Поповски осуден на девет години казна затвор

Ѓоко Поповски осуден на девет години казна затвор

Заев: Не размислувам за наследник, економски реформи до крајот на мандатот

Заев: Не размислувам за наследник, економски реформи до крајот на мандатот