28 Март, 2024
0.0257

Македонско село со само двајца жители има 20.000 книги

Објавено во: Македонија 16 Октомври, 2019

Добивај вести на Viber

На oколината на Демир Хисар, се наоѓа селото Бабино каде има само двајца постојани жители и повеќе од 20.000 книги, во библиотеката „Ал Би“, сопственост на Стево Степановски.

Оваа библиотека, за која книги семејството на Степановски собирало повеќе од 140 години, има над 400 речници, македонски правопис, книги на различни јазици кои се донесени од Истанбул, Техеран и други места. Библиотеката датира од 1.882 година, а Степановски вели дека годишно ја посетуваат околу 3.500 туристи.

„Доаѓале туристи од многу земји за да ја видат библиотеката, телевизиски куќи од Полска, Бразил и сите биле воодушевени. Странците знаат да се восхитуваат на ова што го поседуваме. За нив се интересни насловите кои ги имаме и фондот  на книги. Имаме програма и со училишта, доаѓаат ученици да ја посетат, така што имаме посетители од сите категории. Мојот дедо донесувал книги од различни краеви, во моето семејство уште во тоа време имале поизразени културни потреби, но сето тоа треба денес да се одржува“, вели Степановски.

Во библиотечниот фонд кој брои преку 20.000 наслови и друг библиотечен материјал има  весници, списанија, публикации, географски карти, завучни записи, албуми, сепарати, ЦД ромови и друго. Во фондот на библиотеката се чува првиот број на македонскиот Правопис, примерок од првото издание на македонскиот Буквар и првото издание на Нова Македонија печатено во с. Горно Врановци, како и повеќе наслови на книги за Македонија кои зборуваат за нејзината историја, народ, географија, картографија, хидрографија, етнографија, статистика, јазик, традиција, народно творештво, цркви, училишта, туѓи влијанија итн. Најголем број од книгите се од областа на историјата, книжевноста, психологијата, музичката уметност, лингвистиката и друго.

Македонските граѓани, издавачи, амбасади донираат книги за оваа библиотека.

Домашните туристи кои ја посетиле библиотеката велат дека е нешто единствено и уникатно.

„Библиотеката „Ал Би“ е дом паметник на едно минато, сегашно и идно време. Дом полн со книги, спомени од минатите времиња, вреден да се посети. Не постои вљубеник во книгите и воопшто во пишаниот збор кој ќе остане  рамнодушен при посетата на ова место каде се спојуваат минатото и иднината. Минатото вткаено во илјадниците книги, а иднината во богатството на книги, кои им ги остава сопственикот Стево на идните генерации. И после толку многу години како го посетувам ова место, секогаш во мене буди чувство како и првиот пат кога ја посетив, секогаш ме плени и восхитува со својата едноставна убавина, со духот кој низ неа провејува, со бесценетото богатство што го поседува оваа библиотека единствена во светот по многу нешта. Посебно фактот што се наоѓа во едно мало скоро целосно исселено село во Македонија“, вели Билјана Солунчевска, која често го посетува Бабино.

Фондацијата Рамковски во септември  2010 година на Степановски му ја додели наградата "Крсте Петков Мисирков" за животно дело. 

Сања Атанасовска

Можеби ќе ве интересира

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“

Андоновски: Не е проблем превработеноста, туку нефункционалноста на администрацијата

Андоновски: Не е проблем превработеноста, туку нефункционалноста на администрацијата

Со украден џип од Италија сакал да се врати во Студеничани

Со украден џип од Италија сакал да се врати во Студеничани

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ДОБРО БРЕ ГОВЕДА ЕДНИ“: Миа Костова распали поради измама „Прво лепевте доктори, сега стасав и јас на ред!“

„ДОБРО БРЕ ГОВЕДА ЕДНИ“: Миа Костова распали поради измама „Прво лепевте доктори, сега стасав и јас на ред!“

АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

ПРЕДИЗВИК ЗА МЛАДИТЕ РАБОТНИЦИ: Kaко да се издвојат од конкуренцијата?

ПРЕДИЗВИК ЗА МЛАДИТЕ РАБОТНИЦИ: Kaко да се издвојат од конкуренцијата?

„ПОСЛЕ МОЕ 30-ГОДИШНО ЧЛЕНСТВО КАЖУВАМ, СДСМ ТРЕБА ДА ЗАМИНЕ ВО ИСТОРИЈАТА“ - Весна Ангелова со искрен став за матичната партија

„ПОСЛЕ МОЕ 30-ГОДИШНО ЧЛЕНСТВО КАЖУВАМ, СДСМ ТРЕБА ДА ЗАМИНЕ ВО ИСТОРИЈАТА“ - Весна Ангелова со искрен став за матичната партија