Малезија се запозна со инвестициските можности во Македонија

Добивај вести на Viber

Во најголемата стопанска комора на Малезија, денес беа презентирани условите и можностите за инвестирање и развој на трговските односи со Македонија. Од Агенцијата за странски инвестиции и промоција на извозот информираат дека се остварени средби со угледни компании на кои се разгледани можностите за организирање бизнис форум на малезиски компании во Македонија. Во Малезија се остварени средби со најугледните компании членки на ова здружение. На средбите се дискутирало за можностите за организирање на бизнис форум на малезиски компании во Македонија. „Релативно непознатиот пазар од овој регион, исто така може да биде добра шанса за извоз на македонски производи. Посветуваме големо внимание на промоција на Македонија во Малезија и овој регион, се со цел добро да ги искористиме сите можности за инвестирање и промоција на извозот ”, изјави директорот на Агенцијата за странски инвестиции и промоција на извозот, Висар Фида. Во април годинава во Малезија беше остварена средба на директорот на Агенцијата за странски инвестиции и македонскиот промотор Тони Атанасовски со претставниците на оваа малезиска комора.