Маргаљо: Нема основа за нови санкции против Русија

Добивај вести на Viber

Министерот за надворешни работи на Шпанија, Хозе Мануел Гарсија-Маргаљо за време на посетата на Москва изјавил дека Мадрид не гледа потреба од продолжување на антируските санкции. Тој го изразил тоа мислење при сумирањето на резултатите од преговорите со својот руски колега Сергеј Лавров, соопштуват „Новости“.

„Зачувувањето или земање на санкциите зависи од тоа дали се исполнети или не се извршуваат договорите за Украина. Тие за никого не се поволни“- изјавил Маргаљо. Тој истакнал дека договорите од Минск се спроведуваат, „доаѓаат добри вести, повлекување на оружјето“.

Министерот, исто така додал дека од антируските санкции сериозно е погодена економијата на Шпанија, особено нејзиниот земјоделски сектор. Во врска со тоа тој истакна дека Русија и ЕУ „треба да останат сојузници, а не ривали“.

Дипломатот изјавил: „Се разбира дека односите меѓу ЕУ, дел од кој е Шпанија, и Русија поминуваат низ не најдобар период. Ситуацијата треба да се реши и фундаменталниот клуч е во прашањето за Украина. Треба да се обидеме да понудиме поширок формат, во рамките на кој можеме да се вратиме на стратешка соработка, што постоеше многу долго време“.