Марјан Петрески: Државата да му го отстапи местото на приватниот сектор!

Добивај вести на Viber

Марјан Петрески, универзитетски проефесор, смета дека во годината што доаѓа градежништвото не смее да биде главно поттикнато од државата туку треба да му се отстапи простор на приватниот сектор. Фактор: Како ја оценувате на економски план 2013 година? Петрески: 2013 помина во знакот на градежната експанзија, главно поттикната од државата, што имплицираше прилично лабава фискална политика. Делумно, градежната експанзија се должеше и на воспоставувањето на странските директни инвестиции на нашата територија. Во услови на слаба надворешна побарувачка, остварениот раст во 2013 не е за занемарување. Сметам дека позитивниот импулс што градежништвото го даде на економијата ќе продолжи и во 2014, но од клучно значење во оваа година ќе биде државата постепено просторот да му го отстапува на приватниот сектор, затоа што лабавата фискална политика веќе врши притисок врз буџетскиот дефицит и јавниот долг. Фактор: Какви се очекувањата на економски план за 2014 година ? Петрески: Странските фабрики во Македонија во 2014 ќе придонесат позначајно за растот бидејќи тие почнуваат или ќе почнат наскоро со производство и извоз. Очекувам дека заздравувањето коешто почна во европската економија ќе продолжи, но веројатно ќе биде бавно. Последниве две работи треба да овозможат растот во 2014 да биде на поширока основа и да овозможат приватниот сектор да биде носител на растот. С.Н.