МАСКИТЕ ВО ЗАТВОРЕН ПРОСТОР ПОВЕЌЕ НЕМА ДА БИДАТ ЗАДОЛЖИТЕЛНИ: КЗБ соопшти ваква препорака, но остануваат четири места каде што ќе мора да се носат
Објавено во: Македонија 06 Април, 2022 13:48
Комисијата за
заразни болести по својот редовен состанок денеска соопшти олабавување на две
антиковид мерки. Претседателот на советодавното тело, д-р Александар
Петличковски изјави дека по процена на епидемиолошката состојба, условите им
овозможуваат за намалување на дел од рестриктивните мерки кои се во насока на
спречување на ширењетоп на корона вирусот.
-Првата препорака се однесува на укинување на задолжителното носење маски во затворен простор. Тие повеќе нема да мора да се носат, освен на четири места, а тоа се здравствените установи, домовите за стари лица, аптеките и јавниот превоз. Значи таму и понатаму важи мерката задолжително носење маска. На сите останати места може да се носат само по желба, ако некој сака. Втората препорака се однесува на следењето на контактите на заразените со ковид-19. Препорачуваме укинување на епидемиолошкото следење на контактите, а со тоа и укинување на мерката за изолациоја на контактите, изјави д-р Петличковски.
Тој уште еднаш посочи дека Комисијата за заразни болести ја проценува епидемиолошката состојба во земјата и препорачува постепено укинување на рестриктивните мерки.
-Не сакаме наеднаш да се соочиме со зголемен ризик. Овие препораки ги препраќаме до Главниот кризен штаб, истакна претседателот на Комисијата за заразни болести.
По одлуката на Кризниот штаб, за овие препораки ќе одлучува Владата на седница.
А. Б.
Можеби ќе ве интересира
Желјазков: Немаме нерешени билатерални прашања со Република Северна Македонија
Петре Шилегов бара оставка од лидерот на СДСМ, Венко Филипче
Арсовска од медиумите дознала дека треба да пријави имотна состојба, ја обвини ДКСК за јавен линч
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
