„МЕ ТЕРААТ ДА СТАВАМ НЕКОМУ 10-КА, А ТОЈ НЕ ЗНАЕ НИ ЗА 6-КА: Пријател на загинатиот Васко открива зошто нашиот научник си заминал од Македонија

Добивај вести на Viber

Меѓу загинатите во несреќата на Железничката станица во Нови Сад, кога бетонската натстрешницата се урна, е и нашиот научник, Васко Саздовски.

Саздовски беше сопруг и татко на две деца, но и врвен научник за кој пошироката јавност немаше слушнато пред трагедијата.

По неговата трагична смрт, не престанаа реакциите на социјалните мрежи, а сега се огласи и Митко Јованов Цвај, пријателот на Саздовски, кој на својот Фејсбук профил откри зошто 45-годишниот професор од Свети Николе, си заминал од нашава земја и почнал да работи на Институтот за роботика во Нови Сад.

Некои такви инженери те убија

Е жална Македонијо.... Зарем не можеше како квачка под своите крила да ги заштитиш и белите и црните пилиња... Сите се твои.... Научници од таков ранг а патуваат со воз, со градски, и... не се срамат. А некои со високи позиции.. министри, раководители и што ли не знам и самите не знаат од каде им е дипломата, а имаат лични шофери... Сакам, а, не можам да премолчам, од почит кон Васе... ...го сретнав и го прашав како е како професор на Електро факултет во Штип... Ми рече... Чичо Мите си дадов отказ... Не можам... Ме тераат на некого да му пишам десетка а тој не знае за шестка... Ова лудило ќе помине и тој инженер ќе направи некој пропуст и тогаш некој паметен ќе праша кој професор го пуштил на испит... Ќе види,Васко... Не, не можам, подобро ќе мизерувм. Е Васе, лесна ти земја, но некои такви инженери те убија. За жал и ден денес имаме хипер продукција на такви инженери. Васе со сета почит, некогаш, некаде горе, ќе муабетеме пак, до тогаш СЛАВА ТИ и лесна ти земја!