Медицинските сестри поднеле барања за отказ поради кавга на Инфективна клиника

Добивај вести на Viber

Комуникацијата со повисок тон резултирала со барањата за отказ од страна на Зорица Љубичиќ, Силвана Рогиќ, Дивна Бојчевска, трите медицински сестри од Клиниката за инфективни болести, изјави денеска министерот за здравство Венко Филипче, кој рече дека потполно ги разбира, особено поради фактот дека од почетокот на епидемијата со корона кризата во Македонија тие се во првите редови и се целосно иосцрпени.

-Од почетокот на оваа криза, здравствените работници, сите и доктори и сестри, лаборанти, техничари покажаа што значи да се има капацитет, добро да се менаџира ваква криза, каква што никоја земја не ја очекуваше. Ваква криза на површина вади многу проблеми, и со тоа се соочивме од почетокот на кризата. Свесен сум дека работат под притисок, дел од нив се исцрпени, често работат во 24 часа, и една стресна ситуација доведува некогаш и до немили ситуации како што бил случајот сега, комуникација на повисок тон. И утрово ми кажаа дека сега апслоутно сите жалат. Ќе направам се да не дозволам кој било од јавното здравство да замине поради проблем кој може да менаџира. Се сложија дека ќе го искористат одморот, а потоа ќе се договориме за начинот на кој ќе бидат вклучени во битката со коронавирусот, рече министеротФилипче.

Тој најави дека попладнево лично ќе отиде Инфективната клиника за да разговара со нивните колеги и раководните лица.

Инаку, неофицијано на Клиниката за инфективни болести уште од почетокот на епидемијата има извесни искричења меѓу дел од вреаботените и раководството.