Меџити: И ВМРО-ДПМНЕ преговараше за двојазични пари, униформи и платформата

Добивај вести на Viber

Потпретседателот на ДУИ и градоначалник на Чаир, Изет Меџити повторно пред јавноста открива дел од преговорите со ВМРО-ДПМНЕ за состав на влада кои пропаднаа практично во последен момент, а дотогаш се преговарало за барањата од албанската платформа.

Меџити во емисијата „Топ Тема“ на Телма потврди дека ВМРО-ДПМНЕ преговарале цело време со ДУИ за Платформата, а единствено не се договориле за Законот за заштита на сведоци и за продолжување на рокот на СЈО.

– А што правеа ВМРО-ДПМНЕ 20 дена со нас? Преговараа за Платформата и времето тоа ќе го покаже како точно. Преговараа и за униформите и за парите да бидат двојазични – рече Меџити.

Може некој да освои и 80 пратеници и залудно ќе му е, нема да може влада без Албанците да направи. Интенцијата е да се затворат тематските прашања од Рамковниот договор и на следните избори да се занимаваме со еконсмски прашања, нагласи Меџити.

Доколку ова е вистина и има докази тоа значи дека долго време ВМРО-ДПМНЕ не ја отфрлиле како што сега ја нарекуваат платформата од Тирана која според нив е директна закана за унитарниот карактер на земјата и води кон албанизација и федерализација, а е изборна измама кон граѓаните. 

Додека ВМРО-ДПМНЕ водеше преговори со ДУИ и до истекот на рокот од мандатот се тврдеше дека е постигнат договор, дека бил изготвен предлог закон за употреба на албанскиот јазик, но потоа Ахмети се предомисли. Високи претставници на ДУИ во изминатите денови тврдат дека ВМРО-ДПМНЕ прифатиле се освен СЈО.