МЕПСО гради нови далноводи

Добивај вести на Viber

МЕПСО ќе ги гради далноводите Скопје -Тетово и далноводот на трасата Штип – македонско српска граница. Тендерите за избор на изведувач се веќе објавени. Станува збор за 120 километри далноводна мрежа која ќе чини 26 милиони евра. Изградбата се финансира СО пари од државната енрегетска компанија и од Светската банка „Новиот интерконективен 400 kV далновод на трасата од Штип до македонско-српска граница има должина од 70 километри. Ќе бидат изградени 168 челично-решеткасти столбови. Ова ќе биде второ електроенергетско поврзување со Република Србија. Траста на новиот далновод минува низ териториите на општините: Штип, Свети Николе и Куманово“, објаснуваат од МЕПСО. На српска страна овој енергетски вод ќе биде приклучен на трансформаторсите станици во Лесковац и во Ниш. Со ова се зголемува капацитетот на македонската преносна мрежа. Планирано е далноводот да биде изграден во период до 2 години од започнување на работите. На 110 киловолтниот далновод Скопје-Југохром-Тетово, планирана е целосната реконструкција.. „Тоа е еден од најстарите преносни водови во македонската преносна мрежа и е изграден во педесетите години на минатиот век. Комплетната реконструкција предвидува замена на старите бетонски столбови со нови челично-решеткасти столбови долж целата траса од 52 километри. Со реконструкцијата е предвидено и поставување нови спроводни јажиња и потребна опрема за овој далновод “, објаснуваат од МЕПСО. Изградбата на далноводот треба да заврши за 18 месеци од отпочнување на работите. Со реконструкција ќе се зголеми преносниот капацитет на далноводот и, во целост ќе се задоволат и идните потреби за снабдување на Тетово од страна на Скопје. Токму далноводот на трасата Скопје - Тетово,  изминативе години,  среде зима ги оставаше без струја со енови жителите на градот под Шара.  Сепак, со оглед дека изградбата на далноводот треба да заврши за една и пол година , на Тетовчани им останува најмалку една а најмногу две зими ( ако се оди според роковите но и во зависност од тоа кога ќе почне да се гради новата мрежа) да поминат во незивесност.