Мерц: Не сакаме Украина да капитулира, а вратите на ЕУ се отворени за Молдавија
Објавено во: Свет 28 Август, 2025 07:33
Германскиот канцелар Фридрих Мерц оцени дека капитулацијата на Украина само ќе му даде време на рускиот претседател Владимир Путин да се подготви за следната војна.
„Оваа војна мора да заврши. Но, не по секоја цена. Не сакаме Украина да капитулира. Таквата капитулација само ќе ѝ даде време на Русија, а Путин ќе го искористи тоа време за да се подготви за следната војна“, рече Мерц на заедничката прес-конференција со полскиот премиер Доналд Туск, францускиот претседател Емануел Макрон и молдавската претседателка Маја Санду во Кишињев, објавува „Гардијан“.
Тој нагласи дека „вратите на Европската Унија се отворени“ за Молдавија и вети дека ќе продолжи да ја поддржува земјата „на овој пат колку што е можно повеќе“, вклучително и испраќање германски експерти за да помогнат во спроведувањето на реформите.
Коментирајќи ја загриженоста на Молдавија за агресивниот став на Русија и истакнувајќи ги обидите на Москва да се меша во молдавската демократија, Мерц истакна дека Европа останува доследна „во зачувувањето на слободата и суверенитетот“.
Претседателката на Молдавија, Маја Санду, вчера беше домаќин на тројца европски лидери, по повод 34-годишнината од независноста на Молдавија во 1991 година.
Можеби ќе ве интересира
Путин: Европските свињи веднаш се приклучија на работата на претходната американска администрација
Русија остави простор за разговори за странски сили во Украина
Трамп нареди „целосна блокада“ на санкционираните танкери за нафта што доаѓаат и заминуваат од Венецуела
Претставник на српска компанија за оружје починал под сомнителни околности во Москва
Европска земја ќе произведува десетици илјади дронови годишно за Украина
Ова ја вознемири Русија: Ги прашувал учениците за националноста, па ги избодел




