Месото ќе се меле по европски стандарди
Објавено во: Агробизнис 01 Октомври, 2012
Преработката, подготовката и мелењето на месо ќе се врши според посебни стандарди утврдени со новиот предлог Правилник за квалитет на мелено месо, подготвки и преработки од месо. Правилникот денеска во Агенцијата за храна и ветерина, им беше презентиран на Групацијата на производители и преработувачи на месо при Стопанската комора на Македонија. Според директорот на Агенцијата за храна и ветерина, Дејан Рунтевски, со носењето на ваквиот Правилник за овие производи ќе се допрецизираат стандардите кои треба да ги исполнат за да се најдат на пазарот.
-Интенција на Агенцијата е да обезбеди еднаков третман на производителите на пазарот, а за потрошувачите безбеден и кавлитетен производ. Затоа, само преку соработка и конструктивен дијалог ќе се обидеме да го најдеме оптималното решение и за месната индустрија и за потрошувачите, изјави Рунтевски.
Планот е со ваквата подзаконска регулатива да се стават во рамноправна положба сите преработувачи на месо и на тој начин да се постават стандардите на сите месни производи на македонскиот пазар. Во следните две недели преработувачите на месо треба да ги достават своите забелешки по однос на предлог Правилникот, до Агенцијата за храна и ветерина.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
