Металургијата со пад од 22%, бизнисмените бараа одложување на еколошките дозволи

Добивај вести на Viber

Паѓа производството на металите во Македонија. Само во првите четири месеци од 2013 година, забележано е намалување за 21,9 отсто, тврди преседателот на здружението за металургија Митко Кочовски. Според Кочовски, кај челичната индустрија има неизвесност во побарувачката на челични производи, која се очекува да се намали за 40 отсто. „Под силно влијание на неповолната економска сотојба металуршкот сектор се соочува со голем број отворени прашања, од кои најзначајно место имаат очекуваниот пораст на цената на природниот гас, недоволната усогласеност на цените на нафтата и нафтените деривати со брзанските промени на цената на нафтата, недоволно развиената патна и железничка мрежа и инфраструктура, а со тоа и високи цени на транспортните услуги“, изјави Кочовски кој додаде дека и лани металуршкиот сектор завршил со намален обем на производство за 11,1 отсто. Тој додаде дека е имаат разбирање од страна на Владата, од која очекуваат да донесе одлука за пролонгирање на роковите за интегралните еколошки дозволи. „Имаме апсолутно разбирање дека мораме да ги усогласиме нашите активности во делот на емисиите во воздухот, во почвата и во водите со императивите кои доаѓаат од европското еколошко законодавство, но исто така очекуваме Владата да покаже извесно разбирање во овој крајно критичен период“, рече Кочовски.