Мицкоски: Албанија ќе преговара, а ние ќе седиме во чекалната
Објавено во: Македонија 20 Јули, 2022 14:38
Претседателот на ВМРО-ДПМНЕ, Христијан Мицкоски вели дека ниту скрининг има, ниту преговори има со Европската Унија(ЕУ).
Според него, тоа што тие го нарекуваат скрининг е мониторинг кој трае од првиот момент кога ние сме земја кандидат, од 2005 година, 17 години.
„Јасна е позицијата, за да почнат преговорите потребно е да се смени Уставот, според Заедничкиот став на Европската Унија, член 11 вели дека мора прво да се смени Уставот, односно да се вметне дел од бугарскиот народ во Преамбулата, па дури потоа да се одржи онаа вистинска меѓувладина која ќе почне да го води процесот на скрининг и отворање на кластерите и поглавјата“, потенцираше Мицкоски.
Мицкоски нагласи дека вчера имаше само обична фотосесија.
„Така што отприлика тоа е што вчера се случуваше. Албанија ќе преговара, а ние ќе седиме во чекалната“, изјави Мицкоски.
Инаку, тимови од земјава и од ЕУ вчера во Брисел одржаа прв состанок за таканаречениот скрининг процес, односно испитувањето на усогласеноста на правото на ЕУ со состојбите на земјата кандидат, за да може таа да се подготви за Унијата.Можеби ќе ве интересира
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
Државниот јавен обвинител Љупчо Коцевски поднесе неотповиклива оставка
ИСКОПУВАЛЕ КУЛТУРНО НАСЛЕДСТВО, ЗАВРШИЈА ЗАД РЕШЕТКИ: МВР најде метални детектори и кутија со 43 златни и сребрени монети
