Мицкоски веднаш ќе ги исклучи седумте пратеници кои гласаа

Добивај вести на Viber

Лидерот на ВМРО-ДПМНЕ, Христијан Мицкоски на прес-конференција изјави дека веднаш е донесена одлука да се исклучат од партијата седум пратеници кои гласаа за уставни измени. 

Мицкоски рече дека го разочарале него, партијата, татковината. 

„Не можам да ги оправдам и не можам да ја разберам нивната постапка. Не одбираме кога и каде ќе живееме. Но одбираме како ќе живееме. Обврската према граѓаните е поважна од каков било притисок. Треба да се биде свесен дека има пратеници кои исто како тие што гласаа за беа опфатени од политички прогон и гласаа согласно партискиот став. Оние седум пратеници кои постапија спротивно на партискиот став и против волјата на граѓаните, а беше став на ИК и ЦК, ме разочараа мене. Но тоа не е важно. Ја разочараа татковината, партијата. Вечерва ИК одржа вонредна седница и едногласно веднаш беше донесена одлука за исклулување на овие седум пратеници, рече Мицкоски.

На граѓаните им порача да не се разочаруваат, и да се спротивстават на оваа според него криминална власт. 

„Македонецот се борел не затоа што секогаш победувал, туку затоа што никогаш не се откажувал“, рече Мицкоски. 

За СДСМ вели дека се слаби и очајни и дека ќе бидат поразени на избори.