МИЛЕ ЗЕЧЕВИЌ СЕ ПОБЛИСКУ ДО КАНДИДАТУРА : Јас сум во предност во однос на другите кандидати, сите долго ме познаваат, јас бев булдожерот на СДСМ

Добивај вести на Viber

Миле Зечевиќ, поранешент долгогодишен организациски секретар на СДСМ, вели дека подготвува кандидатура за лидер на партијата, но и дека клучно прашање во овој момент е дали неговата кандидатура ќе придонесе за зајакнување на единството или „дополнително може да ги влоши и онака лошите услови во кои се наоѓа партијата“.

Во своето вчерашно гостување на телевизијата 24, Зечевиќ рече дека ако сите релевантни политички фигури во партијата влезат со амбиција да го преземат претседателскиот трон, тоа може да предизвика лавина од бурни реакции внатре во членството. 

„Ако почнеме со тоа, нема да биде добро за СДСМ. Многу е важно пред секој политички потег, внимателно да се анализира какви реакции ќе предизвика и какви последици ќе направи. Време до петок има, и ќе почекам дотогаш. Најважно е сега да се сочува единството внатре во СДСМ на начин каде сите релевантни фактори ќе застанат зад едно решение“, нагласи Зечевиќ.

Во моментов, како што рече, „ги прави последните анализи“. Ќе пресече, пак, откако ќе го почувствува импулсот на членството во овој момент. Битно му е Заев да остане во Владата како премиер.

Во однос на рокот за поднесување кандидатури, членот на СДСМ смета дека е малку време за промовирање и објаснување на визиите на кандидатите.

„Краток е периодот. Тоа е дамка. Во однос на другите кандидати, јас сум во предност во однос на нив. Сите структури долго ме познаваат. Јас бев булдожерот на СДСМ во сите овие години“, вели Зечевиќ.