Милошоски: Нека не помислува ДИК да ја краде победата, народот ќе се бунтува

Добивај вести на Viber

Антонио Милошоски се обрати на насобраната толпа на поддржувачи на ВМРО-ДПМНЕ и со својот говор само ја наелектризираше состојбата практично повикувајќи на бунт доколку ДИК ги прифати приговорите на СДСМ и БЕСА за пребројување или прегласување во шестата изборна единица.

„Во Теарце немаше никакви инциденти, нерагуларности или проблеми во текот на целиот изборен ден, а тоа го потврдија и самите набљудувачи на СДСМ, БЕСА и ДУИ. Го предупредуваме ДИК да донесе незаконски одлуки спротивни на волјата на народот кој ја донесе победа. Нека не помислува некој ако трпевме две години ќе трпиме и натаму, победата е израз на волјата на народот. Во спортската и изборната игра треба секој да научи дека може да победи и да изгуби и мора да се однесува достоинствено ние сме победници нема да дозволиме никој да ни ја оспори победата, да живее Македонија“ извика Милошоски.

Пред ДИК е навистина тензично и се подготвува автобуски превоз на стотина членови на ВМРО-ДПМНЕ од другите градови кои треба да дојдат во Скопје. Во моментот ДИК ги разгледува приговорите на СДСМ за шестата изборна единица каде се повикани членови од општинските изборни комисии кои даваат исказ.