Добивај вести на Viber
Пратеникот од ВМРО-ДПМНЕ, Антонио Милошоски вели дека кај нас вакцините доцнат во однос на другите држави и дека заради тоа, секој граѓанин што отсега натаму ќе се разболи тешко од ковид, или ќе му почине член од семејството д оваа болест, има право да ја тужи државата.
„Тужби за загрозување на животот и здравјето!
Од пред два дена во Србија, Грција, Словенија, Турција и други земји во регионот започна вакцинирањето против Ковид19, како здравствена мерка.
Во Македонија државата нема набавено ни вакцина, ниту има стигнато милостина од државите кои навремено си обезбедиле вакцини од производителите. Со тоа од страна на државата сериозно е повредено граѓанското право на живот, со ненавремена и неефикасна здравствена заштита.
Затоа од вчера па натаму, секој граѓанин или семејство, кој/кои ќе претрпат посериозни штетни здравствени последици од Ковид19, или истото резултира со трагичен исход по животот на граѓанинот, има законско право да ја тужи државата за тоа и тој/таа или блиското семејство да бара обесштетување.
Основа за заштита на ова право на граѓанинот, како и основа за тужба пред македонските судови или пред Судот во Стразбург се членот 39 од Уставот, член 2 од Конвенцијата за заштита на човековите права, како и обврските на државата утврдени во Законот за здравствена заштита“, напиша на својот фејсбук профил пратеникот Милошоски.