28 Мај, 2024
0.1210

МИНИМАЛНА ПЛАТА ОД 200 ЕВРА: Што со работниците кои се принудени да ги враќаат парите?

Објавено во: Економија 07 Ноември, 2017

Добивај вести на Viber

Во септември пратениците изгласаа минимална плата од 200 евра, но откако оваа реформа стартуваше, голем дел од работниците биле принудени да ги вратат парите на газдите, а да пријават не ни  размислуваат затоа што ризикуваат да го изгубат своето работно место.

На удар најчесто се луѓето кои работат во текстилна и кожарна индустрија, каде и онака платите се најниски, а тоа се гледа и од податоците кои ги објавува Државниот завод за статистика.

„Во нашата фабрика земавме плата од 12.000 денари, немаше никој под таа сума. Но, ќе видиме како ќе биде понатаму. Во чевларските фабрики луѓето ги вратија парите назад. Не е во ред да се враќаат парите, затоа што работата е тешка, се бара норма, прецизно работење, а се штеди на многу работи“ – вели девојка која работи во текстилна фабрика во Куманово.

Од друга фабрика за чевли во истиот град работничка потврдува дека сите нејзини колешки веќе ги вратиле парите од минималната плата од 200 евра, а реално заработката се движи од 9000 до 10.000 денари. И таа потврдува дека луѓето поради страв немаат храброст да кренат глас и да ги бараат своите права загарантирани со закон.

Имало и фирми каде на работниците им било кажано дека првиот месец можат да ја задржат целата сума пуштена на сметка, но тоа нема да биде пракса и понатаму.

Овие поразителни состојби ги констатирало и  Здружението „Гласно“ од Штип. Една петина од текстилните компании од Истокот не исплатиле минимална плата,  покажало истражувањето на Здружението „Гласно“ од Штип.

Во нивното истражување биле опфатени 25 конфекции од Источна Македонија.

„По извршеното анкетирање кај дел од работниците не се случи исплата на минималната плата со образложение од самите работници дека нормата не ја исполниле.Дали постојат дупки во законот: она што можам да го кажам е дека работниците не се во можност да преговараат за нормите затоа што е присутен страв од губење на работното место, а од друга страна се и договорите од еден месец за работа кои работниците ги имаат потпишано. Од она што е евидентно доста вработени постојат со над 5 години стаж, а нивниот договор сèуште не е трансформиран на неопределено.Ова е една од причините поради кои работниците не приговараат, а од друга страна им е ускратено правото.И за крај работниците немаат синдикати за да можат да имаат преставници кои ќе преговараат во нивно име и решавање на нивните проблеми.Сè друго кое е евидентно,  можете да го видете во спроведената анкета“ – вели Горан Трајков од „Гласно“.

Од Министерството за труд и социјална политика велат дека се испитуваат сите дојави кои ќе ги добијат за неисплаќање на минимална плата.

„Дојавите за евентуални прекршувања на Законот за исплата на минимална плата се доставуваат до Државниот инспекторат за труд, а инспекторите се постојано на терен и ги испитуваат ваквите информации. Сметаме дека и покрај активностите на инспекторите,  работниците не треба да дозволат злоупотреба на овој закон и треба да ги пријавуваат сите неправилности и злоупотреби од страна на работодавачите. Примање плата на рака или враќање пари на работодавачот е казниво со закон, не само прекршочно, туку и кривично“ – вели Павлина Симоноска Арсиќ од МТСП. 
Министерството за труд и социјална политика апелира до работниците да се охрабрат и редовно да пријавуваат случаи на какво било кршење на работничките права.

Сања Атанасовска

Можеби ќе ве интересира

ПОВЕЌЕ ПАРИ ЗА РОМАНЦИТЕ: Државата ги зголеми најниските плати за 10 проценти

ПОВЕЌЕ ПАРИ ЗА РОМАНЦИТЕ: Државата ги зголеми најниските плати за 10 проценти

МИНИМАЛНА КОШНИЧКА: За една година трошоците за живот се повисоки за 200 евра

МИНИМАЛНА КОШНИЧКА: За една година трошоците за живот се повисоки за 200 евра

ВОЗАЧИ ПОЧЕКАЈТЕ ДО ПОЛНОЌ - цената на бензините се намалува, еве по колку ќе се продаваат горивата

ВОЗАЧИ ПОЧЕКАЈТЕ ДО ПОЛНОЌ - цената на бензините се намалува, еве по колку ќе се продаваат горивата

ЗАТВОРЕНИ АМЕРИКАНСКИТЕ И БРИТАНСКИТЕ БЕРЗИ: Скокна цената на нафтата, златото и пченицата

ЗАТВОРЕНИ АМЕРИКАНСКИТЕ И БРИТАНСКИТЕ БЕРЗИ: Скокна цената на нафтата, златото и пченицата

ЕДНА ОД НАЈПОПУЛАРНИТЕ АВИОКОМПАНИИ ГО НАМАЛУВА БРОЈОТ НА ЛЕТОВИ: Полетувањата од Белград ќе бидат променети на дури шест линии

ЕДНА ОД НАЈПОПУЛАРНИТЕ АВИОКОМПАНИИ ГО НАМАЛУВА БРОЈОТ НА ЛЕТОВИ: Полетувањата од Белград ќе бидат променети на дури шест линии

ФАКТОР АНАЛИЗА: Фирма која увезува јаглен за РЕК Битола со најголема добивка помеѓу новорегистрираните компании

ФАКТОР АНАЛИЗА: Фирма која увезува јаглен за РЕК Битола со најголема добивка помеѓу новорегистрираните компании

ТЕРМОЦЕНТРАЛИТЕ „ДИШАТ НА ШКРГИ“ – недостига квалитетен јаглен за да работат, но се ближи и нивниот крај

ТЕРМОЦЕНТРАЛИТЕ „ДИШАТ НА ШКРГИ“ – недостига квалитетен јаглен за да работат, но се ближи и нивниот крај

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“