Министерството за економија ги потпомага студентите – за најдобриот бизнис план 5.000 евра

Добивај вести на Viber

Министерството распиша конкурс со кој ќе ги мотивира студентите да станат иновативни и ќе ги награди најдобрите три бизнис плана.

Лично министерот Сарачини, заедно со комисија формирана од економија ќе цени  кои од бизнис плановите се профитабилни.

„Ова е прв пат Министерството за економија да ги потпомага претприемачите и тројца најдобри ќе добијат меѓу 2.000 и 5.000 евра за да стартуваат компанија“, вели министерот за економија Ваљон Сараќини.

Јавниот повик трае од 17 јуни до 15-ти август, а до сега се пријавени 106 апликации. Најголемиот број на апликации се од ИТ индустријата и се фокусираат на креирање на мобилни и веб апликации, како и видео игри. Министерството најави дека ќе ги претстави плановите пред бизнис заедницата на Македонија.

Според Сараќини, министерството ќе цели овој настан да се организира секоја година за да се мотивираат младите претприемачи на возраст од 18 до 30 години.

„Познавајќи го и бизнисот и образованието, сметам дека многу е важно секој студент и млад потенцијален претприемач да знае да ја преточи својата идеја во бизнис план – така подобро ќе се запознае со пазарот, ќе ја унапреди самата идеја, ќе навлезе во финансиските пресметки и подобро ќе ги осознае шансите за успех, како и алтернативите и однапред смислените сценарија, во случај ако не тргне работата според првичната замисла.”, вели министерот.

10-те најдобри бизнис планови ќе бидат презентирани и пред бизнис заедницата. Конкурсот ќе трае до следниот четврток.