Добивај вести на Viber
Уште еден турски министер од владата на премиерот Реџеп Таип Ердоган поднесе оставка, Станува збор за министерот за животна средина, Ердоган Бајрактар кој е инаку трет министер кој се реши на овој чин по избувнувањето на корупцискиот скандал во земјата. Претходно, министрите за економија и за внатрешни работи на Турција Зафер Чаглајан и Муамер Ѓулер исто така дадоа оставки, пред се бидејќи нивните синови се меѓу 24 уапсени.
Во својата писмената оставка министерот Чаглајан пишува дека истрагата е „заговор“ против Турција и против владејачката Партија на правдата и развојот.
Премиерот Ердоган пак во обраќање пред локалните лидери на неговата партија се огради од министрите што дадоа оставки.
„Партијата останува решителна во борбата против корупцијата“,истакна тој.
Ердоган оценува дека неговата Влада е, како што вели, цел на меѓународен заговор, во кој учествуваат медиумите и банди од Турција.
„Има медиумски институции, организации и банди во Турција, кои мислат за странски интереси, а не за интересите на сопствената држава и работаат како шпиони“, посочи турскиот премиер.