Mитко Јанчев бара извинување од Мицкоски и Николовски или ќе тужи

Добивај вести на Viber

Градоначалникот на Кавадарци, Митко Јанчев бара извинување од лидерот на ВМРО-ДПМНЕ, Христијан Мицкоски и неговиот сопартиец, Александар Николовски или ќе ги тужи. 

Вели дека како лидер на најголемата политичка партија во Република Македонија, на Мицкоски му доликува разрешувањето од функцијата потпретседател да го води крајно професионално.

„Напротив на вчерашната прес-конференција од  Александар Николовски кон мене беа упатени ниски и агресивни обвинувања за закани, поткуп и криминал, рамо до рамо со Сашо Мијалков. Поради ваквите неосновани и крајно непрофесионални навреди од страна на Христијан Мицкоски и Александар Николовски кои се обидуваат да го нарушат мојот авторитет, барам јавно извинување и од  Христијан Мицковски и од  Александар Николовски. Во спротивно кон нив двајцата ќе поднесам приватни тужби за клевета и навреда на мојата личност. Различниот став и различното размислување во една нормална модерна партија треба да бидат прифатени, дискутирани и потоа заеднички да се најде вистинскиот пат, но тоа не е случај и со ВМРО-ДПМНЕ. Моето залагање за партијата ќе продолжи со сите мои способности и целосна професионална посветеност. Различните ставови во една партија и почитувањето на истите можат само да водат кон прогрес и плодна почва за развивање на дискусии и создавање на темели за партија која ќе се движи кон посветла иднина“, наведува Јанчев. 

Тој на Фејсбук додава дека ќе работи во интерес на граѓаните. 

Јанчев уште на почетокот говореше дека подобар Договор со Грција не може да има.