Поранешниот директор на Управата за безбедност и контраразузнавање (УБК) и министер за внатрешни работи, како претставник на МВР беше претседател на работната група за спроведувањето на реформите во системот за следење на комуникациите.
Од наредната година, опремата за прислушување ќе се премести во Оперативно техничка агенција со што ќе биде заменета досегашната УБК која беше посочена како главен виновник за масовното нелегално прислушување.
Новата ОТА ќе има сопствен буџет, a директорот на агенцијата ќе се избира во Собранието со 2/3 мнозинство од пратениците. Покрај досегашната собраниска комисија, контролата на работата на агенцијата ќе ја вршат уште четири други институции од кои едното ќе биде сосема ново тело – Совет за граѓанска контрола.
