Младите учат на поразличен начин, статичен учебник може да ги ограничи: Директорот на НОВА, Иван Новаковски за полемиките околу учебниците
Објавено во: Македонија 28 Април, 2021
-Во училишната средина во којашто јас работам, едукативната филозофија веќе подолго време налага дека учебникот, независно дали е во физичка или дигитална верзија, не игра централна улога во начинот на кој еден наставник ја предава материјата, ниту како еден ученик го совладува материјалот, пишува во својата последна објава на ФБ, Иван Новаковски, генерален директор на престижната меѓународна гимназија НОВА.
Вели дека свесниот млад човек размислува поинаку и ги учи работите на поразличен начин.
-Статичен учебник, може непотребно да го ограничи. Неограничената можност да истражува надвор од физичките страници на еден учебник и диктатите на еден професор го прави пофлексибилен, потолерантен и поподготвен да се справува со животните предизвици. Наместо инститиквно да реагираме негативно кон промените, добро е на истите да им дадеме шанса, секако приспособувајќи ги и надградувајќи ги во процесот на имплементација, кои напредниот свет одамна ги живее...Наставникот е задолжен при подготовката на своите наставни планови и лекции, да следи одредена рамка, со цел да ги подготви учениците на конкретни вештини и стандарди, кои му се пренесени преку разновидни едукативни пристапи, материјали и активности, во кои учебникот е само една од повеќето алатки, преку кои се изучува конкретната тема, наведува Новаковски.