МНР нуди помош: Македонец пронајден мртов во Бугарија, пријателите се сомневаат дека е убиен пред шопинг мол
Објавено во: Македонија 19 Декември, 2022
Стојан Спасов, 26 годишен македонски државјанин е пронајден мртов пред шопинг мол во Бугарија пред три дена, а неговите пријатели апелираат да се расчисти случајот, бидејќи се сомневаат дека е убиен. Неговото тело е на обдукција и се уште не се знае причината за неговата смрт.
Неговите родители и блиски пријатели се во шок за ситуацијата и апелираат до македонската полиција да истражи повеќе за случајот и да помогнат да се врати неговото тело во нашата држава.
„Апелирам до медиумите да ја објават веста за неговата смрт. Истовремено апелирам до македонската полиција и до македонските служби да помогнат во обдукцијата, да се дознае вистинската причина за смртта и да помогнат за враќање на телото во нашата држава“ – напиша на Фејсбук Бобанчо Боби Илиевски, еден од пријателите на Спасов.Од Министерството за надворешни работи најавуваат дека подоцна ќе излезат со детали за случајот и засега единствено нудат асистенција за поблиското семејство на починатиот.
„Известуваме дека министерството веднаш штом доби информација за починат наш државјанин С.С. во република Бугарија, преку Амбасадата на Северна Македонија во Софија, стапи во контакт со надлежните органи, од каде доби првични информации за случајот.
Преку МВР веќе е стапено во контакт со семејството на починатиот во земјава и истите се соодветно информирани за случајот“, информира МНР и додава дека е воп постојан контакт со надлежните органи на Бугарија кои ја водат истрагата.
Можеби ќе ве интересира
МУЦУНСКИ ГО РАЗРЕШИ ВНУКОТ НА АХМЕТИ: Дрин заминува порано од амбасадата во Брисел
ИЗБРАНО НОВО РАКОВОДСТВО НА МАКЕДОНСКИОТ ПОЛИЦИСКИ СИНДИКАТ: Еве кој ќе го води
НЕКОЈ ИМ СЕ ЗАКАНУВАЛ НА ПРАТЕНИЦИ: Добиле порака со заканувачка содржина
ПРЕТРЕС КАЈ ДВАЈЦА ПОЛИЦИСКИ СЛУЖБЕНИЦИ: Пронајдени автоматска пушка, два пиштоли и друго оружје
„ЈАС СУМ СЛОБОДНА, ЗОШТО МИСЛИТЕ ДЕКА НЕ СУМ?“: Катица Јанева вели од 2022 оди на викенди
ПОРАНЕШЕН ЗАТВОРЕНИК СТАНА ЗАМЕНИК ДИРЕКТОР НА ЗАТВОРОТ ИДРИЗОВО: Левица со обвинување
ДЕСЕТ ЗДРАВСТВЕНИ УСТАНОВИ ДОБИЈА НОВИ В.Д. ДИРЕКТОРИ: Еве кои се
СРПСКИ ПОЛИЦАЈЦИ ЌЕ ВОВЕДУВААТ РЕД ВО ОХРИД: Србија ни „позајмува“ четворица полициски службеници во август
