Моќен земјотрес од 7,7 степени по Рихтер ја потресе Папуа Нова Гвинеја
Објавено во: Свет 30 Март, 2015
Силен земјотрес ја потресе земјата во јужниот дел на Тихиот Океан - Папуа Нова Гвинеја во понеделникот, генерирана со слабо цунами што ги исплаши локалните жители, но нема податоци за настрадани луѓе, пренесоа американските медиуми.
Цунами со височина 50 cm беше измерено на пристаништето во градот Рабаул во близина на епицентарот на потресот со интензитет од 7,7 степени по Рихтер, вели Мартин Моус, извршен директор на Националниот центар за катастрофи во Папуа Нова Гвинеја.
Земјотресот се случил на длабочина од 65 километри, на околу 50 километри југоисточно од градот Кокопо, во близина на Рабаул, во североисточниот дел на земјата.
Тихоокеанскиот центар за предупредување од цунами, објавил дека се очекуваат бранови со висина до 3 метри, кои можат да удрат во Папуа, Нова Гвинеја и бранови од помалку од 0,3 м, кои ќе достигнат до далечни земји како Русија.
Неколку часа подоцна центарот го прекина предупредувањето, откако беа земени само 3-инчни бранови на пристаништето на Соломонови Острови, на околу 450 километри од епицентарот.
Во Рабаул жителите регистрирале зголемување на морското ниво на водата, поплавени паркинзи на трговскиот центар, кој се наоѓа во близина на плажа.
Властите во главниот град Порт Морсби се во постојан контакт со своите колеги во надворешните провинции, но неколку часови по земјотресот, се уште нема информации за штети и настрадани луѓе.