„МОЛЧИ ВЛАДАТА, МОЛЧИМЕ И НИЕ“: семејствата на починатите во дискотеката „Пулс“ и денеска излегоа на улиците низ Кочани
Објавено во: Македонија 05 Јули, 2025 21:33
Во молк и без официјално обраќање помина денешниот „Марш за ангелите“ во Кочани, што го организираше граѓанското здружение „16 март 2025 – Кочани“.
Родителите на починатите во трагедијата во „Пулс“ рекоа дека решиле да молчат додека не добијат одговор на нивните барања до Владата и до Обвинителството за финансиска и инстутционална помош, како и за аудио и видео снимање на судската постапка.
- Молчи Владата, молчиме и ние, ќе чекаме да видиме што ќе биде во понеделник. Во меѓувреме гледаме премногу напади и обвинувања кон нас на социјалните мрежи. Довербата кон институциите е минимална, само пет проценти, затоа што ни беше кажано дека случајот ќе се расчисти за два месеца, а веќе станаа четири и уште нема ништо. Веројатно ќе си играат со нас уште четири години - рекоа родителите на маршот.
Покрај родителите на починатите и членови на семејствата на повредените во трагедијата, имаше и граѓани од други градови во државата, но на денешниот „Марш за ангелите“ видлив беше помалиот број учесници во однос на претходно. Сепак, од Здружението „16 март 2025 – Кочани“ рекоа дека тоа воопшто нема да ги поколеба во нивните барања за правично судење и за добивање поддршка од државните институции.
Извор и Фото: МИА
Можеби ќе ве интересира
„ОЧЕКУВАМЕ ВАЛКАНА КАМПАЊА“: Апасиев вели за изборите ќе се истурат многу пари
ФАКТОР НА ДЕНОТ: Напаѓачот на Данела Арсовска од куќен е однесен во ефективен притвор
Филипче: Владата сака да биде најдобриот ученик, а за сега има само единици
АРСОВСКА: Чешко државјанство имам од раѓање, родителите не можам да си ги изберам
АРСОВСКА: Јунаци, лавови, нешто да бекневте за криминалот од стотици милиони евра со фалсификати и перење пари на Ганиу?
ОД УДАР НА ГРОМ СЕ ЗАПАЛИ БЕЛАСИЦА: Гори на тромеѓето меѓу Македонија,Грција и Бугарија, соопшти Михаилов
Повикот истекува в четврток, имало голем интерес за сезонски пожарникари за плата од 24.000 денари
Напаѓачот на Данела Арсовска заминува во притвор, одлучи Кривичниот суд
