Москва го помина Лондон, изградена највисоката зграда во Европа

Добивај вести на Viber

Kулата „Mercury City“ која рускиот милијардер Игор Кесаев ја изгради во новиот финансиски кварт на Москва, ја тргна  „The Shard“ во Лондон од првото место на листата на највисоките облакодери во Европа, пишува Блумберг. Зградата е висока 339 метри, што е за 29 метри повеќе од „ The Shard“, објави компанијата на Кесаев. Облакодерот е проектиран од познатиот американски архитект Френк Вилијамс, кој почина во 2010 година, заедно со неговиот руски колега Михаил Посохин. Зградата, која има  70 спрови и се состои од канцеларии и станови, треба да биде целосно готова во првиот квартал на следната година. Инвестицијата се проценува на 1 милијарда долари. Експерти од консултантската компанија „Knight Frank“ очекуваат дека нема да има проблем со издавањето на канцелариски простор, а се очекува просторот да биде издаден по 800-900 долари за квадрат на годишно ниво. Голема е и побарувачката на станови во новата зграда, велат од компанијата, а почетната цена за квадратенен метар станбена површина во кулата е 11 илјади долари. Сепак, познавачите на состојби предвидуваат дека продажбата на становите во „Mercury City“ќе потрае 3-4 години. Причината за ова е големата понудата на луксузни станови на пазарот во моментов, бидејќи доста богаташи кои си купија станови во руската престолнина пред неколку години, во моментов ги продаваат.