Москва не размислува за нови контрасанкции на Западот
Објавено во: Свет 20 Септември, 2014 20:57
Русија не работи на новиот пакет мерки како одговор на санкциите од Западот воведени на Москва поради состојбата во Украина, рече денеска заменик премиерот Аркадиј Дворковиќ.
„Не ги разгледуваме санкциите, тоа не е приоритет“, рекол Дворковиќ, според извештаите на РИА Новости.
Слична изјава денеска дал и министерот за економија Алексеј Ујукаев, кој рекол дека заострувањето на контрамерки би било контрапродутивно и додал дека не очекува ни Западот да воведе додатни санкции.
Ујукаев оценил дека последиците од санкциите, кои тешко ја погодиле Русија, ќе се чувствуваат и во текот на 2016 и 2017 година, пренесува Ројтерс.
Западот го заостр санкциите на Русија поради наоружувањето на проруските сили во Украина, бидејќи Москва веќе одговорила на поранешните санкции, со запирање на увозот на многу прехрамбени производи.
Владата ја разгледувала можноста за воведување на додатни мерки кои би се однесувале на воздухопловството, бродоградната, автомобилската и други гранки од индустријата, кои би можеле да ја зафатат рестрикцијата на увоз на автомобили или некои видови облека.
Претседателот Владимир Путин, рекол дека целта на руските санкции не е казнување на западните земји, туку тоа е предизик за земјата да ја зајакне својата економија.
Можеби ќе ве интересира
Путин: Европските свињи веднаш се приклучија на работата на претходната американска администрација
Русија остави простор за разговори за странски сили во Украина
Трамп нареди „целосна блокада“ на санкционираните танкери за нафта што доаѓаат и заминуваат од Венецуела
Претставник на српска компанија за оружје починал под сомнителни околности во Москва
Европска земја ќе произведува десетици илјади дронови годишно за Украина
Ова ја вознемири Русија: Ги прашувал учениците за националноста, па ги избодел
Австралискиот премиер го посети во болница херојот на Бонди: Ахмед ал-Ахмед e „најдоброто од нашата земја“
