Москва загрижена за политичката криза: Старите партнери Груевски и Ахмети добија поддршка

Добивај вести на Viber

Oфицијална Москва коментирајќи ја ситуацијата во земјава на индиректен начин ја поддржа владеачката гарнитура, односно Никола Груевски и Али Ахмети.

Во коментарот на руското министерство за надвореши работи пишува дека Москва „констатира сериозно продлабочување на политичката криза во Република Македонија. Станува очигледно дека „вештачки предизвиканите“ вонредни парламентарни избори кои се одржаа на 11 декември 2016 година не водат кон регулирање на ситуацијата. 

Се чини дека целата работа е во тоа што под псевдодемократските слогани продолжува грубото надворешно влијание врз политичките сили во Македонија. Целта е очигледна - збогување со непожелните за Западот македонски политичари, да се реформатира власта и покрај изразеното мислење на граѓаните во текот на гласањето во корист на коалицијата „За подобра Македонија“ предводена од Н. Груевски и Демократската унија за интеграција на А. Ахмети.

Особена загриженост предизвикува фактот дека во мултиетничка и мултиконфесионална Македонија, каде се случи тежок меѓунационален конфликт, политичарите на една етничка заедница, врз основа на однадвор диктирани ултимативни барања, фактички решаваат кој од блоковите ќе влезе во составот на идната владејачка коалиција. Бесрамното, макијавелистичко манипулирање со волјата на гласачите се заканува со експлозија на ситуацијата како во самата Македонија, така и да ја наруши кревката стабилност на целиот балкански регион.

„Убедени сме дека само целосното отфрлање на погрешната практика на надворешно управување, потпирањето врз реалната демократија, преминот кон решавање на  внатрешните проблеми од страна на балканските држави се основа за градење на довербата меѓу народите кои живеат тука и за формирање на клима на безбедност и соработка во регионот.