Мотоциклист удри во ограда и почина во центарот на Скопје
Објавено во: Македонија 12 Мај, 2022
Возач на мотоцикл починал откако се забил во ограда во скопската населба Капиштец во Општина Центар на улицата „Елисие Поповски – Марко“ синоќа нешто пред полноќ, објави МВР.
Со возачот имало и сопатничка која во сообраќајната несреќа завршила со телесни повреди.
„На 11.05.2022 околу 23.50 часот во СВР Скопје било пријавено дека на ул.„Елисие Поповски – Марко“, мотоцикл со скопски регистарски ознаки, управуван од Љ.А.(28) од Скопје изгубил контрола и удрил во ограда. По несреќата Љ.А. бил пренесен во Комплексот клиники „Мајка Тереза“ каде од лекар му биле констатирани тешки телесни повреди и набргу починал.
Со телесни повреди се здобила сопатничката Г.С.(27) од Скопје, констатирани во Комплексот клиники „Мајка Тереза“. Известен бил Јавен обвинител, а увид извршила увидна екипа од СВР Скопје“, стои во полицискиот билтен.