МОТОЦИКЛИСТОТ ПО СТРАШНАТА СООБРАЌАЈКА КАЈ ВЕРО ПОМИНА ЛЕСНО: „Раната е сошиена, пуштен е дома“, д-р Костов за Фактор
Објавено во: Македонија 25 Мај, 2022
Утринава во
скопската населба Тафталиџе, на семафорите кај супермаркетот Веро се случи
страшна сообраќајна незгода. Се судрија БМВ и мотор, а од фотографиите кои ги направи Курир. мк, се гледа дека моторот е целосно уништен и е буквално под
возилото.
Повредениот мотоциклист бил веднаш пренесен во ГОБ „8 Септември“.
-Имаше полесни повреди за среќа. Раната на подлактицата е истретирана како што треба и е сошиена, и пациентот е пуштен на домашно лекување. Инаку, во овој период, откако затопли времето, ургентниот центар во ГОБ „8 Септември“ е преполн со повредени кои управуваат мотори, веспи, електрични тротинети, вели во изјава за Фактор, директорот Христијан Костов.
Во текот на денот се очекува МВР да соопшти повеќе информации за сообраќајната незгода кај Веро.