Можно ли е затворање на градинките поради коронавирусот?

Добивај вести на Viber

Заразени со коронавирусот се 15 деца и 45 вработени откако се отворија градинките.  Министерката за труд и социјална политика, Јагода Шахпаска вели дека се во добра здравствена состојба. 

На дел од вработените им истекло и времето за изолација, па ќе се вратат на работното место.

Таа вели дека по секоја цена овие установи нема да бидат отворени.

„Состојбата во градинките е стабилна, но доколку утврдиме дека бројот на заболени од ковид-19 се зголемува, нема по секоја цена да ги чуваме отворени“, изјави денеска на прес-конференција министерката за труд и социјална политика, Јагода Шахпаска.

Објасни дека се следи состојбата и во градинките и во центрите за лица со попреченост, каде што веќе има случаи на Ковид-19. 

Ова е причината поради која двата центри за лица со попреченост во Штип се затворени.

„Градинките и центрите за попреченост нема по секоја цена да останат отворени. Нам ни е најважно здравјето на граѓаните“, вели Шахпаска.

Во Македонија вчера имаше рекордни 535 заразени со коронавирусот. 

Ако продолжи состојбата со високиот број на заразени, ќе има рестрикции. 

Комисијата за заразни болести в понеделник, по редовниот состанок ќе имаат и средба со премиерот Зоран Заев, на кого ќе му предложат одредени рестриктивни мерки, истакнуваат извори на Фактор од Комисијата за заразни болести.