МВР ДЕМАНТИРА ДЕКА ИМАЛО ОБИД ЗА КИДНАПИРАЊЕ НА ДЕТЕ ПРЕД УЧИЛИШТЕ ВО КАРБИНЦИ: „Да не се шири паника и вознемиреност“
Објавено во: Македонија 05 Декември, 2023
МВР најостро ги
демантира шпекулациите кои денеска се проширија по одредени портали, локални
телевизиски станици и социјалните мрежи за наводен спречен обид за грабнување
на малолетно лице во училишен двор во општина Карбинци.
– Според официјалната пријава до полицијата, денеска (5.12.2023) во 9.52 часот во СВР Штип од Основно училиште во Општина Карбинци е пријавено дека околу 9.30 часот во училишниот двор со патничко возило „голф“ дошло младо машко лице, кое според пријавеното, поканило ученичка да влезе во неговата кола за да одат на кафе, но таа веднаш се вратила во училиштето и пријавила кај директорката. Се работи на расчистување на случајот. Пласирањето на ваквите шпекулации, од кои дел и во дневно-политички цели, е со цел да предизвикаат паника, вознемиреност, постојано чувство на страв и несигурност кај граѓаните. Апелираме до граѓаните да не наседнуваат на вакви шпекулации. Исто така, им благодариме на медиумите кои ги проверуваат информациите во надлежните институции – стои во информацијата од МВР.
ФОТО: ФБ