МВР објасни зошто не дава информации за бегството на Груевски
Објавено во: Македонија 25 Ноември, 2018
Министерството за внатрешни работи не дава информации за бегството на поранешниот премиер Никола Груевски, пред да добие азил во Унгарија, затоа што во моментов Обвинителството за организиран криминал истражува евентуални пропусти кај надлежните органи, велат од таму за Дојче Веле.
Вилма Русковска, шефицата на Обвинителството за организиран криминал веќе најави предистражната постапка за бегството на Груевски за тоа дали има пропусти во врвот на МВР, во Бирото за јавна безбедност и во Управата за безбедност и контраразузнавање.
Од полицијата велат дека заради предистражната постапка со која и тие се опфатени, нема да споделуваат информации во јавноста: ниту од интерна истрага за евентуални пропусти и незаконитости во рамки на МВР, ниту други сознанија.
Рускоска најави дека одговорноста ќе се истражува и во СЈО зошто не побарале мерки за Груевски по изрекувањето на пресудата, а на тапет е и судијата за извршување санкции од Основниот суд Скопје 1.
Единствена индиција што им е позната засега на медиумите дека Груевски подготвувал бегство од двегодишната затворска казна е извесувањето кое банките по службена должност треба да го направат откако на 6-ти и 7-ми септември од негови сметки подигнал над 100.000 евра. Нема јавно потврдени податоци кога целосно ги испразнил сите 35 банкарски сметки во шест деловни банки во врендост од околу 200.000 евра
Обвинителството нема да излегува со информации додека не дојде до конкретни докази каде е пропустот.