МВР ПОТВРДИ: Игор Југ уапсен за две кривични дела
Објавено во: Македонија 21 Септември, 2017
МВР ги потврди пишувањата на медиумите дека е приведен Игор Југ во врска со настаните од 27 април.
Од министерството соопштуваат дека 47-годишниот Игор е приведен поради основано сомневање за сторено кривично дело „Учество во толпа што ќе спречи службено лице во вршење на службено дејствие“ казниво по чл.384 ст.1 од КЗ на РМ.
Игор Југ се бараше и за кривично дело Учество во толпа што ќе изврши кривично дело, како и за кривично дело Разбојништво.
За истото лице постои централен распис од СВР Скопје-Оддел за насилен криминал за основано сомневање за сторено кривично дело „Учество во толпа што ќе изврши кривично дело“ казниво по чл.385 од КЗ на Република Македонија, како и локален распис од СВР Скопје-НККР Бит Пазар година за основано сомневање за сторено КД „Разбојништво“ казниво по чл. 237 од КЗ на РМ.
На дел од снимките кои е појавија во јавноста од крвавиот четврток, се гледаше како уапсениот има пиштол.