МВР сe уште трага по баба Стојанка откако не пронајде опожарено тело
Објавено во: Македонија 07 Август, 2021
Министерството за внатрешни работи информира дека и натаму трае потрагата по баба Стојанка од Старо Нагоричане, откако првично за неа се тврдеше дека изгорела во пожарот кој го зафати овој дел од земјата.
„Во врска со пожарот во семејна куќа во с.Челопек, Министерството за внатрешни работи согласно законските прописи постапува по насока на Јавен обвинител и во координација со Јавен обвинител од ОЈО Куманово, полициски службеници извршија детален увид на местото на опожарената куќа во Старо Нагоричане. Откако не се пронајдени остатоци кои укажуваат на опожарено лице, распишана е потрага по лицето, по која веќе се постапува од страна на Отсекот за потраги“, информираат од полицијата.
60 годишната жена од Челопек ја нема од вторникот, а единствено нејзиниот невенчан сопруг засега знае дека само бегала од огнот и се затворила во својата соба.
МВР апелира строго да се почитува забраната за движење во шумските предели, граѓаните максимално да се воздржат од палење огнови, отпадоци, меѓи и стрништа на нивите, да не се фрлаат неизгаснати догорчиња и да не оставаат стаклени шишиња или други предмети, кои подолго време изложени на сонце, можат да предизвикаат пожар. Н