На буџетот му се стемни, на стопанството му се раздени!

Добивај вести на Viber

Паднаа приливите во  буџетот во Февруари, во однос на јануари 2013 година за речиси двојно. Истовремено, кога станува збор за вкупните приходи, речиси 40 милиони евра помалку се селале во државната каса, покажуваат податоците објавени од Министерството за финансии. Еве што покажуваат бројките, за јануари и февруари 2013 година. Најголемо е потфрлањето кај ДДВ, со собрани само 6,2 милиони евра, наспроти 57 милиони евра во јануари. Огромно е и потфрлањето на ДДВ и во однос на февруари лани, кога ви бџетот од оваа ставка се слеале 47,6 милиони евра. За експертската јавност ваквата состојба само потврдува дека економијата оди во лоша насока, а стопанството и понатаму се гуши во неликвидност. Министерство за финансии: Расчистувавме обврски кон стопанството Намалувањето кај ставката на ДДВ на страната на приходите кај реализацијата на Буџетот за февруари во однос на јануари, се должи на расчистувањето на обврските кон стопанството за поврат на ДДВ. Мора да се напомене дека се објавуваат нето-приходите за ДДВ, односно вкупните собрани приходи намалени за повратот на ДДВ. Согласно преземената обврска кон стопанствениците, заклучно февруари, беше решен проблемот со повратот на ДДВ како и исплата на обврските за извршените работи, велат во министерството за финансии. Сепак, сега речиси е неизводливо да се направи вистинска анализа со приходите кои ги собира државата. Имено, дали буџетски приходи се поголеми или помали од проектираното, од министерството за финасии додаваат дека проекции на месечно ниво веќе престанале да прават, така што сега е исклучително тешко да се регистрира дали вкупните приходи се зголемини или намалени. Повеќе од 1/3 од минусот на буџетската сметка веќе е потрошен Извештајот на Министерството за финансии покажува дека во јануари и февруари 107, 2 милиони евра се веќе потрошени од дефицитот кој вкупно за цела 2013 година изнесува 287,7 милиони евра. Што значи дека скоро 37% државата веќе има потрошено од предвидениот минус на буџетската сметка. Годинава буџетскиот дефицит е проектиран на 3,5 %, кој е предвидено да покрива со задолжувања дома, но и од странство. Домашната експертска јавност смета дека доколку се продолжи со вакво темпо на трошење, ништо чудно веќе во септември државата повторно да направи корекција на буџетскиот дефицит продлабочувајќи ја и на повеќе од 3,5%. Црвениот аларам, сметаат тие е веќе оддамна вклучен. Р.Ф