НАЧАЛНИК ЈА КОРИСТЕЛ ЛЕГИТИМАЦИЈАТА ЗА ДА НЕ ПЛАЌА ПАТАРИНА: Полицијата му поднесе кривична пријава

Добивај вести на Viber

Полициски началник ја злоупотребил службената положба за да избегне плаќање на патарина. 

Полицијата поднесе кривична пријава за злоупотреба на службената положба и овластувања, за началник од отсекот за криминалистичко разузнавање, статистика и документирање, вработен во ОВР – Кочани. Инаку, 45 - годишниот началник во повеќе наврати изминатото лето, ја користел службената легитимација за да не плати патaрина.

Министерот за внатрешни работи Панче Тошковски постапката ја нарече срамна, затоа што од полициските службеници се очекува да бидат пример за граѓаните.

„Ако може еден столар да плаќа патарина, ако може жена која што работи во било која приватна установа да плаќа патарина, ако може било кој македонски граѓанин да плаќа патарина мора да плаќа патарина и секој еден вработен во рамки на МВР. Мораме да покажеме пример дека секој еден од нас мора да почитува и мора да го почитува она кое што сме се договориле да го почитуваме. Значи дека може да очекуваме вакви кривични пријави и во иднина? Ќе очекувате, да“, вели Тошковски. 

Во Скопје веќе со месеци интензивно се работи на надградување на системот Сејф сити, но кога тој ќе профункционира во целост и за сообраќајните прекршоци, Тошковски не прецизира.