НАД 600 МЕДИУМСКИ РАБОТНИЦИ ДЕНЕСКА СЕ ВАКЦИНИРАА: Стратегијата за вакцинирање на работоспособното население ќе дава добри резулати

Добивај вести на Viber

Во спортската сала А1 Арена „Борис Трајковски“ денеска почна вакцинацијата на новинарите и медиумските работници.

Во оваа прва фаза, како што изјави претседателот на ЗНМ, Младен Чадиковски, имунизацијата се врши на оние над 40 години, како и на медиумските работници кои имаат хронични заболувања.

-Она што е значајно да се истакне дека сите овие медиумски работници беа во близок контакт со вирусот, имаа многу контакти, со многу луѓе постојано и мислам дека овој тип на заштита е од огромно значење, бидејќи тоа не е само за личното здравјте, туку и за останатите со кои што имаат постојани контакти. Освен тоа, оваа стратегија за вакцинирање на работоспособното население дава добри резулати, истакна Чадиковски.

Тамара Грначаровска од ССНМ изрази задоволство што навистина огромен број се одѕваа на повикот за вакцинација. Рече дека има и колеги кои за жал не ги исполнуваат условите да се вакцинираат во првата група, но како што истакна, се надева дека ќе стигнат и нови пратки вакцини и дека сите ќе може да си го заштитат и сопственто здравје и здравјето на останатите.