Нафтата поефтини откако Грција не го врати долгот на ММФ

Добивај вести на Viber

Цените на нафтата во Азија паднаа откако Грција не ја врати траншата на долгот вредна 1,6 милијарди евра на ММФ.

Американската „лесна“ нафта (WTI) за испорака во август поефтини на Њујоршката берза 68 цени на 58,79 долари, додека нафтата од типот „брент“ за августовската испорака во Лондон поефтинила 58 центи на 63,01 долар.

„Грчката должничка криза ја загреа загриженоста дека нејзиното влијание ќе се прошири низ еврозоната , што би можело да доведе до пад на побарувачката на нафта“, проценува стратегот на сингапурската компанија IG markets Бернард Оу.

Неуспехот на Грција да го врати долгот на ММФ ја прави единствена развиена земја која не успеала да го отплати долгот на таа индустрија и покажува дека петмесечните напори да се спаси грчаката економија биле залудни.

Цените на нафатата вчера се зголемија откако Иран и шест светски сили се договориле да го продолжат рокот за постоигнување на спогодба за нуклеарната програма на Техеран, со што враќањето на иранската нафта на светскиот пазар во поголем обем засега е одложено. Иран ја има четвртата по големина светска резерва на нафта, но неговиот извоз паднал од 2,2 милиони барели дневно од 2011 ха околу 1,3 милиони барели поради санкциите на западот.