Нафтата поскапе
Објавено во: Економија 02 Јули, 2015
Цените на нафтата денес се опоравија, откако преговорите за нуклеарната програма на Иран се продолжени, и покрај неизвесноста во врска со грчката должничка криза, наведуваат аналитичарите.
Американската „Лесна“ нафта (WTI) за испорака во август поскапе на Њујоршката берза 10 центи на 57,06 долари, додека нафтата од типот „брент“ за испораката во август во Лондон поскапе 23 центи на 62,24 долари.
„Бидејќи е продолжен рокот за постигнување на спогодба за нуклеарниот програм на Техеран, пазарот ќе продолжи да ги следи преговорите“ , наведе лидерот на азиско-пацифичкиот сектор за нафта и гас компании „Ernst i Jang“ Саниев Гупт.
Иран ги има четвртите по големина светски резерви на нафта, но неговиот извоз паднал со повеќе од 2,2 милиони барел дневно од 2011 на околу 1,3 милиони барели во светло на санкциите на западот.
Трговците исто така внимателно ја следат состојбата во Европа пред референдумот во Грција , на кој граѓаните треба да се изјаснат дали се за или против приватизација на најновиот предлог на меѓународните кредитори.
Иако кредиторите го отфрлија вчерашниот предлог на Грција, трговците се оптимистични дека кризата наскоро ќе биде решена.