Најалармантно во Кочани, Скопје, Струмица, Куманово, Тетово и во Прилеп: Каратинот не е опција засега, но можно е на удар да бидат кафулињата

Добивај вести на Viber

Најголем број активни случаи на Ковид-19 во моментов има во Скопје, 834, во Куманово 182, во Прилеп 126, Тетово , 150, Струмица 167, и во Кочани 172. Загрижувачка е состојбата и во Делчево, бидеќи таму има 82 активни на корона вирусот на мал број жители.

Здравствените власти го утврдуваат начинот на трансмисија на заразата, по што ќе кажат какви рестриктивни мерки ќе применат, но засега, велат, карантинот не е опција.

Единствено што постојано повторуваат е да се почитуваат општите протоколи за заштита, односно носење маска, одржување дистанца и постојана хигиена на рацете.

По состаноците на членовите на Комисијата за заразни болести кои денеска и утре интензивно ќе работат, од понеделник здравствените власти ќе разгледаат што од рестриктивните мерки ќе воведат. Веќе се шпекулира дека можно е целосно затворање на училиштата и градинките, како и намалување на работното време на кафулињата, рестораните и другите угостителски објекти каде што има групирања на голем број луѓе.