НАМЕСТО БУКЕТ, ДОНАЦИЈА: Гостите на свадбата на Нина Ангеловска, донираа пари, а Нина со сопругот пакетчиња на децата од СОС Детско село
Објавено во: Македонија 28 Декември, 2023
Нина Ангеловска и нејзиниот сопруг, на неодамнешната свадбена прослава, од гостите побарале, наместо букет, да донираат парични средства. Со тие средства, брачната двојка донираше подарок за секое дете во СОС Детско село во Скопје.
„Овие празници благодарение на гостите на нашата свадбена прослава бевме Дедо Мраз на дечињата од СОС Детско село. Ги замоливме гостите на нашата свадба кои планирале да подарат цвеќе, наместо тоа да донираат во кутијата која ја поставивме. Со собраните средства и наша дополна, исполнивме желби на 33 дечиња. Од СОС Детско село ни ја доставија листата со желби, ги купивме подароците и со многу љубов ги спакувавме и доставивме до СОС Детско село “ напиша таа на својот инстаграм профил.