ОГРАБЕНИ ТРОЈЦА МАЛОЛЕТНИЦИ ВО ЦЕНТАРОТ НА СКОПЈЕ: нападите се случиле во период од три часа

Добивај вести на Viber

Тројца малолетници се ограбени во текот на ноќта во главниот град. 

Како што покажуваат податоците кои ги објавува Министерството за внатрешни работи, од нивниот преглед на пријавени криминални дела во текот на едно деноноќие, во текот на саботата вечерта (10.02) биле нападнати тројца малолетници, од исто така малолетни лица, при што нападнатите биле и ограбени. 

Два од трите случаи се одивале во градскиот парк на Скопје, додека третиот во централното градско подрачје.

- Вчера во 22.15 часот во СВР Скопје, М.Ш.(46) од Скопје, пријавил дека во Градскиот парк во Скопје, неколку малолетни лица со закана со остар предмет од неговиот син одзеле пари. Се преземаат мерки за расчистување на случајот - се наведува во билетнот на МВР. 

Во споменатиот извештај исто така е посочено дека во СВР Скопје било пријавено дека вчера во 23.40 часот, од страна на Б.П.(50) од Скопје, оти во Градскиот парк во Скопје, неговиот малолетен син бил физички нападнат од страна на неколку малолетни лица, при што му биле одземени пари. Се преземаат мерки за расчистување на случајот.

Третиот случај кој е пријавен во полиција се случил во центрот на градот, при што исто така бил нападнат малолетник, од страна на исто така малолетни лица. 

- Вчера во 21.00 часот, во СВР Скопје, А.Р.(50) од Скопје, пријавил дека на подрачјето на Центар во Скопје, неговиот малолетен син бил физички нападнат од неколку малолетни лица и му биле одземени пари. Се преземаат мерки за расчистување на случајот - се наведува во билтенот.