Добивај вести на Viber
Со цел ублажување на последиците од кризата советот на НБРМ донесе одлука за воведување неконвенционална мерка, која има за цел да ја релаксира монетарната политика. Намалување на каматната стапка од половина до еден процент за кредитите наменети за извозните компании и проекти за производство на електрична енергија ќе се овозможи. Неконвенциотналата мерка која НБРМ за прв досега ја воведува предвидува намалување на основата за задолжителна резерва на банките за износот на новоодобрените кредити на нето-извозниците и на домашните производители на електрична енергија, како и за вложувањата во должнички хартии од вредност во домашна валута без валутна клаузула, издадени од споменатите претпријатија.
- Со ова ќе им се намали трошокот од монетарната политика на банките и ќе има простор да добијат подобри услови и да се намали каматата овие два сектори кои се носечки во економскиот раст на земјата и чие зголемување на производството е добредојдено и ние го посакуваме“, изјави гувернерот Богов додавајќи дека оваа одлука е наменета само за компании кои се во А и Б категорија, односно оние кои редовно ги намируваат обврските. Според Богов, нема опасност средствата да се насочат кон државата, а нема простор да се насочат и во нешто друго. Банките ќе ја користат само ако средствата се насочат кон нето извозници и енергетски проекти.